Hesus, Nagsalig Ako Kanimo
Talaadlawan ni Santa Maria Faustina Kowalska, Tala #949
+
JMJ Pebrero 12, 1937
+Ang gugma sa Dios mao ang bulak – ang Kalooy mao ang bunga.
Ipabasa sa kalag nga nagduhaduha kining mga pamalandong sa Diosnong Kalooy aron kini mosalig.
Diosnong Kalooy, nga nagabuhagay gikan sa sabakan sa Amahan, nagsalig ako Kanimo.
Diosnong Kalooy, labing halangdong kinaiya sa Dios, nagsalig ako Kanimo.
Diosnong Kalooy, misteryo nga dili matugkad, nagsalig ako Kanimo.
Diosnong Kalooy, tuboran nga nagabuhagay gikan sa misteryo sa Labing Balaang Trinidad, nagsalig ako Kanimo.
Diosnong Kalooy, nga dili matugkad sa bisan unsang salabutan, sa tawo man o sa anghel, nagsalig ako Kanimo.
Diosnong Kalooy, nga gigikanan sa tanang kinabuhi ug kalipay, nagsalig ako Kanimo.
Diosnong Kalooy, nga labaw pa sa kalangitan, nagsalig ako Kanimo.
Diosnong Kalooy, tinubdan sa mga milagro ug mga kahibulongan, nagsalig ako Kanimo.
Diosnong Kalooy, nga nagalukop sa tibuok uniberso, nagsalig ako Kanimo
Diosnong Kalooy, nga mikunsad sa yuta diha sa Persona sa Pulong nga Nahimong Tawo, nagsalig ako Kanimo.
Diosnong Kalooy, nga miagas gikan sa bukas nga samad sa Kasingkasing ni Hesus, nagsalig ako Kanimo.
Diosnong Kalooy, nga gitipigan sa Kasingkasing ni Hesus alang kanamo, ug ilabina alang sa mga makasasala, nagsalig ako Kanimo.
Diosnong Kalooy, nga dili matugkad diha sa pagtukod sa Balaang Ostiya, nagsalig ako Kanimo.
Diosnong Kalooy, diha sa pagtukod sa Balaang Simbahan, nagsalig ako Kanimo.
Diosnong Kalooy, diha sa Sakramento sa Balaang Bunyag, nagsalig ako Kanimo.
Diosnong Kalooy, diha sa among pagkamatarong pinaagi kang Jesu-Kristo, nagsalig ako Kanimo.
Diosnong Kalooy, nga nagauban kanamo sa tibuok namong kinabuhi, nagsalig ako Kanimo.
Diosnong Kalooy, nga nagagakos kanamo ilabina sa takna sa kamatayon, nagsalig ako Kanimo.
Diosnong Kalooy, nga nagahatag kanamo og kinabuhing walay kamatayon, nagsalig ako Kanimo.
Diosnong Kalooy, nga nag-uban kanamo sa matag gutlo sa among kinabuhi, nagsalig ako Kanimo.
Diosnong Kalooy, nga nanalipod kanamo gikan sa kalayo sa impiyerno, nagsalig ako Kanimo.
Diosnong Kalooy, diha sa pagkakabig sa mga makasasala nga gahi og kasingkasing, nagsalig ako Kanimo.
Diosnong Kalooy, nga gikahibulongan sa mga Anghel ug dili matugkad sa mga Santos, nagsalig ako Kanimo.
Diosnong Kalooy, nga dili matugkad diha sa tanang misteryo sa Dios, nagsalig ako Kanimo.
Diosnong Kalooy, nga naghaw-as kanamo gikan sa tanang kaalautan, nagsalig ako Kanimo.
Diosnong Kalooy, tuboran sa among kalipay ug kamaya, nagsalig ako Kanimo.
Diosnong Kalooy, diha sa pagtawag kanamo gikan sa pagkawalay ngadto sa pagkaanaa, nagsalig ako Kanimo.
Diosnong Kalooy, nga naggakos sa tanang buhat sa Iyang mga kamot, nagsalig ako Kanimo.
Diosnong Kalooy, purongpurong sa tanang binuhat sa Dios, nagsalig ako Kanimo.
Diosnong Kalooy, diin kaming tanan naunlod, nagsalig ako Kanimo.
Diosnong Kalooy, matam-is nga kahupayan sa mga kasingkasing nga nag-antos, nagsalig ako Kanimo.
Diosnong Kalooy, bugtong paglaom sa mga kalag nga nawad-an og paglaom, nagsalig ako Kanimo.
Diosnong Kalooy, kapahulayan sa mga kasingkasing, kalinaw taliwala sa kahadlok, nagsalig ako Kanimo.
Diosnong Kalooy, kalipay ug hilabihang kamaya sa balaang mga kalag, nagsalig ako Kanimo.
Diosnong Kalooy, nga nagdasig sa paglaom bisan daw wala nay paglaom, nagsalig ako Kanimo.
+ Dios nga walay kataposan, nga ang kalooy dili matugkad ug ang bahandi sa kaluoy dili mahurot, tan-awa kami uban sa kaayo ug dugangi ang Imong kalooy dinhi kanamo, aron sa lisod nga mga gutlo dili kami mawad-an og paglaom ni maluya, kondili uban sa dakong pagsalig itugyan namo ang among kaugalingon sa Imong balaang kabubut-on, nga mao gayod ang Gugma ug Kalooy” (Talaadlawan 950).
+ O dili matugkad ug walay kinutobang Diosnong Kalooy, kinsa bay makahimo sa pagdayeg ug pagsimba Kanimo sa takos nga paagi? Labing halangdong kinaiya sa Dios nga Labing Gamhanan, Ikaw ang matam-is nga paglaom sa makasasalang tawo. Paghiusa kamo sa usa ka awit, mga bituon, yuta ug dagat, ug sa usa ka tingog, uban sa pagpasalamat ug kainit sa kasingkasing, awita ang dili matugkad nga Diosnong Kalooy (Talaadlawan 951).
Dugang pang mga Pag-ampo sa Diosnong Kalooy
Gireserba ang tanang katungod: © Pagtigom sa mga teksto – Urszula Grzegorczyk Pagkonsulta – Madre Maria Kalinowska, Ang Kongregasyon sa mga Madre sa Maluloy-ong Hesus. Mahimong kopyahon ang mga teksto kon ilhon ang tibuok ngalan sa tinubdan © Paghubad: Ewa Olszowa, Pag-edit sa teksto: Matthew Vinall

