Cebuano

Pamalandong 320: Usa ka Madasigong Kasingkasing

Si San Antonio nga Nagwali ngadto sa mga Isda, ni Paolo Veronese

Video

Paminaw sa Iningles

Usa sa labing sayon nimong mahimo sa kinabuhi mao ang pagtinapolan.  Hunahunaa kon wala kay mga responsibilidad, anaa kanimo ang tanang bahandi nga imong pangandoyon, ug makagugol ka sa imong mga adlaw sa kaharuhay ug pagpahayahay.  Makaugmad kini og hilabihan ka tapolang kasingkasing ug hilabihan usab ka masulub-ong kasingkasing.  Maayo ang pagpahulay, apan ang sobra nga pagpahulay mahimong mosangpot sa katapolan, ug ang katapolan sa kataposan makalaay gayod.  Kini nga kamatuoran nagpadayag usab sa kaatbang nga kamatuoran.  Sa ato pa, ang madasigong kasingkasing makakaplag og dakong kahinam sa mga buluhaton matag adlaw.  Bisan og ang uban mahimong malulong sa trabaho, nga mahimong “workaholic,” ang hustong pagbalanse sa pagpahulay ug pagtrabaho makaugmad sa hiyas sa usa ka madasigong kasingkasing.  Madasigon ka ba?  Daghang butang sa kinabuhi ang mahimong kadasigan sa usa ka tawo, ug dili kining tanan maayo o uyon sa Kabubut-on sa Dios.  Apan ang kadasig alang sa kaluwasan sa mga kalag ug sa pagpatungha sa Gingharian sa Dios maoy kadasig nga kitang tanan kinahanglang maningkamot sa pag-ugmad.  Sa pagkatinuod, gusto sa atong Ginoo nga himoon nimo kini nga labing unang prayoridad sa kinabuhi.  Samtang motubo ka sa pagkabalaan ug pagkasuod sa atong Ginoo, ipadala ka Niya aron ugmaron ang Yuta pinaagi sa Iyang Kalooy.  Ang pagbuhat niini uban sa dakong kadasig makakabig og daghang kalag alang sa Gingharian ug makahatag og madagayaong kalipay sa imong kasingkasing (Tan-awa ang Diary #1548).

Ang imong kasingkasing ba nakigbisog sa katapolan o puno sa kadasig?  Kon tapolan, tan-awa ang mga epekto niini sa imong kinabuhi.  Ang kalaay ug pagkadili-kontento nga imong nasinati maoy direkta nga resulta niini.  Apan kon madasigon ug makugihon ka sa kinabuhi, alang sa unsa man ang imong kadasig?  Pamalandongi kini nga matinud-anon karong adlawa ug paningkamoti nga motubo ang imong nagdilaab nga kadasig alang sa pagpalig-on sa Gingharian sa Dios. 

Ginoo, gitanyag ko Kanimo ang tanan kong buhat ug mga talento.  Gamita kini alang sa Imong himaya.  Tabangi ako nga makabaton og tinuod nga kadasig alang sa Imong Gingharian ug magtrabaho nga walay pagkakapoy alang sa Imong himaya.  Hesus, nangandoy ako nga mahimong instrumento sa Imong hingpit nga Kalooy dinhi sa kalibotan.  Gamita ako sumala sa Imong kabubut-on.  Hesus, misalig ako Kanimo.

Nobena kang Kristo nga Hari
Sa naandan, siyam ka adlaw sa dili pa ang Solemnidad ni Kristo nga Hari
Nobena nga ampoan matag adlaw gikan sa Nobyembre 13–21, 2026

Mga Pamalandong sa Balaang Kasulatan alang sa Ordinaryong Panahon

Dugang nga mga Pamalandong sa Diyosnong Kalooy

Adlaw-adlaw nga mga Pagpamalandong sa Ebanghelyo

Tanang Santos/mga Pista Karong Adlawa