తెలుగు

ధ్యానం 139: దైవపరిపాలన దానిని నెరవేరుస్తుంది

గ్వీదో రెనీ, CC BY-SA 4.0, వికీమీడియా కామన్స్ ద్వారా

వీడియో

ఆంగ్లంలో వినండి

కొన్నిసార్లు దేవుడు ఎంచుకున్న వేగం కంటే మరింత త్వరగా ఆయన చిత్తం నెరవేరాలని మనం తొందరపెడుతుంటాం. ఫలితంగా, దేవుని చిత్తాన్ని కాక మన సొంత చిత్తాన్నే నెరవేరుస్తాం. సహనమే కీలకం. ప్రభువు మన అంతరంగంలో కార్యం చేయాలని మనం సహనంతో వేచి ఉండాలి; అప్పుడు సమస్త కార్యాలనూ మన ద్వారా చేసేది ఆయనే అవుతారు. నిజానికి, మన జీవితాల్లో మనం సహనం పాటించాలని దేవుడు ఎంతగానో కోరుకుంటారు. సహనం ద్వారా మన సొంత చిత్తాన్నీ ఆలోచనలనూ విడిచిపెట్టి, మనంతట మనం ఎన్నటికీ చేయగలిగిన దానికంటే ఎంతో ఎక్కువగా ప్రభువు నెరవేర్చడాన్ని చూడగలుగుతాం. మనం శ్రద్ధతో కృషిచేస్తూ, ప్రభువు ఒక తలుపు తెరిచినప్పుడు లేదా మార్గం చూపినప్పుడు స్పందించాలి; అయితే తలుపు తెరిచేదీ మార్గం చూపేదీ ఆయనే కావాలని వేచి ఉండాలి (చూడండి: దినచర్య #693).

జీవితంలో ఏ విషయంలో మీరు అసహనానికి లోనవుతున్నారు? ఏ విషయంలో దేవుడు మరింత త్వరగా కార్యం చేయాలని మీరు కోరుకుంటున్నారు? ఈ అంతరంగ పోరాటాన్ని గురించి ధ్యానించండి; సహనం అనే సద్గుణం, దేవుడు మీకు ఇవ్వదలచిన నడిపింపునకూ కృపకూ తలుపు తెరుస్తుందని తెలుసుకోండి. ఆయన తన సమయంలో, తన పద్ధతిలో కార్యాలు చేయనివ్వండి; అప్పుడు ఆయన మార్గాలు మీ మార్గాలకంటే ఎంతో ఉన్నతమైనవని మీరు గ్రహిస్తారు.

ప్రభువా, నీ మార్గాలు నా మార్గాలకంటే అనంతంగా ఉన్నతమైనవనీ, నా ఆలోచనలకు బదులుగా నీ ఆలోచనలనే ఎంచుకోవాలనీ నాకు తెలుసు (చూడండి: యెషయా 55:8). అన్ని విషయాల్లోనూ సహనంతో ఉండే కృపను నాకు దయచేయి. నీకోసం వేచి ఉండటానికీ, నీ పరిపూర్ణ జ్ఞానానికి అనుగుణంగా నీ కారుణ్యం సమృద్ధిగా అనుగ్రహించబడుతుందని నమ్మకం ఉంచటానికీ నాకు సహాయం చేయి. యేసూ, నేను నీపై నమ్మకం ఉంచుతున్నాను.

పవిత్రాత్మకు నవదిన ప్రార్థన
పెంతెకోస్తుకు సిద్ధపడేందుకు చేసే ప్రార్థన
శుక్రవారం, మే 15 – శనివారం, మే 23

పాస్కా కాల ప్రార్థనలు

దైవకారుణ్యంపై మరిన్ని ధ్యానాలు

పాస్కా కాలానికి పవిత్ర గ్రంథ ధ్యానాలు

దైనందిన సువార్త ధ్యానాలు

నేటి పునీతులు/పండుగలు