తెలుగు

ధ్యానం 354: పాపపు వలలోని చిక్కులను విప్పడం

గ్వెర్చినో, సార్వజనీన వినియోగ పరిధి, వికీమీడియా కామన్స్ ద్వారా

వీడియో

ఆంగ్లంలో వినండి

ఒక వ్యక్తి అబద్ధాలు చెప్పడం మొదలుపెట్టి, దానిని అలవాటుగా మార్చుకుంటే, చివరికి అబద్ధాల వలలో చిక్కుకుంటారు.  ఒక అబద్ధం మరొక అబద్ధానికి దారితీస్తుంది; కొద్దికాలంలోనే ఈ వల నుండి ఎలా బయటపడాలో వారికి తెలియని స్థితి వస్తుంది.  ఇలాంటి సమయంలోనే మీరు కారుణ్యం చూపాలి.  తమంతట తామే తప్పుడు మార్గంలోకి వెళ్లినట్లు స్పష్టంగా కనిపించే వ్యక్తితో కఠినంగా వ్యవహరించడం చాలా సులభం.  వారిని నిందిస్తూ, వారి పాపాన్ని పదేపదే ఎత్తిచూపి నొప్పించడం సులభం.  కానీ మీరు ఆ వ్యక్తిని ప్రేమతో చూసి, వారు అల్లుకున్న వలలోని చిక్కులను విప్పి, వారు బయటపడేందుకు సహాయపడాలని ప్రభువు కోరుకుంటున్నారు.  వారి తప్పుల గురించి స్పష్టంగా, సూటిగా చెబుతూనే, తీర్పు తీర్చకుండా, కఠినత్వం చూపకుండా ఉండటం ద్వారా ఇలా చేయవచ్చు.  మీరు కారుణ్యంతో సత్యాన్ని అందిస్తున్నారని వారు గ్రహిస్తే, తాము చేసిన దానిని సరిదిద్దుకోవాలనే మీ ఆహ్వానాన్ని వారు అంగీకరించవచ్చు.  ఈ సూత్రం అనేక రకాల పాపాలకు వర్తిస్తుంది (చూడండి: దినచర్య #1712).

మీ జీవితంలో పాపపు వలలో చిక్కుకొని, బయటపడలేకపోతున్నట్లు కనిపించే ఎవరినైనా గురించి ధ్యానించండి.  వారిపై ఎలాంటి తీర్పూ తీర్చకుండా, వారి పట్ల మీ హృదయంలో కారుణ్యం పెరగనివ్వండి.  వారిని ప్రేమించండి; వారిని వినయానికి నడిపించే సత్యాన్ని వారికి తెలియజేయడానికి ప్రయత్నించండి. వారు విముక్తి పొందేలా సున్నితంగానూ, స్పష్టంగానూ అలా చేయండి.

ప్రభువా, పాపం మమ్మల్ని బంధించి, జీవితంలో ఎంతో వేదనకు గురిచేస్తుంది.  పాపమయ జీవితంలో చిక్కుకున్నవారి విముక్తికి నేను సాధనంగా ఉండేలా, కారుణ్యపూరిత హృదయాన్ని నాకు అనుగ్రహించు.  ప్రియ ప్రభువా, నీ పరిపూర్ణ కారుణ్య హృదయంతో వారిని ప్రేమించే అనుగ్రహాన్ని నాకు దయచేయి.  యేసూ, నేను నీపై నమ్మకం ఉంచుతున్నాను.

ఆగమనకాలపు ఓ అంతిఫోనాలు
డిసెంబర్ 17–23

పునీత ఆండ్రూ క్రిస్మస్ నవదిన ప్రార్థన
సంప్రదాయంగా నవంబరు 30 నుండి క్రిస్మస్ పర్వదినానికి ముందు రోజు వరకు రోజుకు 15 సార్లు ప్రార్థిస్తారు.

ఆగమనకాల వనరులు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు