తెలుగు

ధ్యానం 70: బాధలు అనుభవిస్తున్న క్రీస్తుతో మమేకం కావడం

విలియం-అడోల్ఫ్ బూగెరో చిత్రించిన పియెటా
ప్రధాన చిత్రం: మహిమలో క్రీస్తు — చిత్రకారుడు ఫ్రాన్చెస్కో బస్సానో ది యంగర్

వీడియో

ఆంగ్లంలో వినండి

క్రీస్తు ఏ రూపం మీకు మరింత సన్నిహితంగా అనిపిస్తుంది? ఏ రూపంతో మీరు మరింత సులభంగా మమేకమవుతారు? అందరికీ రాజుగా మహిమపరచబడిన క్రీస్తు రూపంతోనా? లేక దెబ్బలు తిని బాధలు అనుభవిస్తున్న క్రీస్తు రూపంతోనా? చివరికి, మహిమతోను వైభవంతోను ఉన్న ప్రభువుపై మన చూపులు నిలుపుతాము. ఇదే నిత్యత్వమంతా మనకు ఆనందంగా ఉంటుంది. అయితే, ఈ భూలోక జీవితంలో మనం యాత్రికులుగా ఉన్నంతకాలం, బాధలు అనుభవిస్తున్న క్రీస్తే మన ఆలోచనల్లోను అనురాగంలోను ప్రధాన స్థానంలో ఉండాలి. ఎందుకు? ఎందుకంటే, మన బలహీనతలోను బాధలోను యేసు మనకు ఎంత సన్నిహితంగా ఉన్నారో అది వెల్లడిస్తుంది. ఆయన గాయాలను చూడటం, మన గాయాలను కూడా నమ్మకంతో వెల్లడించడానికి మనల్ని సిద్ధం చేస్తుంది. మన అంతరంగంలోని గాయాలను యథార్థంగా, స్పష్టంగా చూడటం మన ప్రభువును మరింత గాఢంగా ప్రేమించడానికి సహాయపడుతుంది. ఆయన తన సిలువ ద్వారా బాధలలోకి ప్రవేశించారు. మీరు ఆయన గాయాలను తిలకిస్తున్నప్పుడు, ఆయన స్వయంగా మీ బాధలలోకి ప్రవేశించాలని కోరుకుంటున్నారు (చూడండి దినచర్య #252).

ఈ రోజు యేసు గాయాలను చూడండి. రోజంతా ఆయన అనుభవించిన బాధలను గుర్తుకు తెచ్చుకోవడానికి ప్రయత్నించండి. ఆయన బాధలు మనకు ఒక వంతెనగా మారతాయి. చివరి రక్తపు బొట్టు వరకు ప్రేమించిన ఆయన దివ్యహృదయంలోకి మనం ప్రవేశించేలా చేసే వంతెన.

ప్రభువా, ఈ రోజు నిన్ను తిలకిస్తున్నాను. నీవు భరించిన ప్రతి గాయాన్ని, ప్రతి కొరడా దెబ్బను తిలకిస్తున్నాను. నీ బాధలో నీకు చేరువ కావడానికి నాకు సహాయం చేయుము. నా బాధలను దైవసంయోగానికి సాధనంగా మార్చడానికి నిన్ను అనుమతించేలా నాకు సహాయం చేయుము. యేసూ, నేను నీపై నమ్మకం ఉంచుతున్నాను.

పంతొమ్మిదవ రోజు ధ్యానాలు:
ఎడారిలో 40 రోజులు & సిలువ చెంత 40 రోజులు

పునీత యోసేపునకు నవదిన ప్రార్థన. మార్చి 10-18 వరకు ప్రార్థిస్తారు.

తపస్సుకాలానికి ఉపయోగకరమైన వనరులు

తపస్సుకాలానికి పవిత్ర గ్రంథ ధ్యానాలు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు