తెలుగు

ధ్యానం 75: ఇతరులలో క్రీస్తును కలుసుకోవడం

చిత్రం: pxhere.com ద్వారా

వీడియో

ఆంగ్లంలో వినండి

దివ్యసత్ప్రసాదం నిజంగా పవిత్రమైనది.  దానిని ఆరాధిస్తూ, అత్యంత గౌరవంతో చూసుకుంటాము.  మన ప్రభువును మనం ఎన్నడూ విసిరివేయము; నేలమీద గానీ, మరేదైనా అగౌరవకరమైన స్థలంలో గానీ పారవేయము.  అయినప్పటికీ, పవిత్ర హోస్తియాలో సన్నిహితుడై ఉన్న యేసుపట్ల మనం చూపే గౌరవాన్నే ఇతరులపట్ల చూపడంలో తరచూ విఫలమవుతాము (చూడండి: దినచర్య #285). 

ప్రతి వ్యక్తీ ఒక దివ్యసత్ప్రసాద మందిరమని మీరు గ్రహిస్తున్నారా?  ప్రతి వ్యక్తీ దేవుని ప్రతిరూపం; ఊహకు అందనంత అమూల్యమైన, పవిత్రమైన వ్యక్తి.  మనం ప్రజలందరినీ ఈ విధంగానే చూడాలి; వారిపట్ల అత్యంత భక్తిగౌరవాలతో మెలగడానికి కృషి చేయాలి.  అలా చేయడం ద్వారా, మనం ఊహించగలిగిన దానికంటే ఎంతో ఎక్కువగా మన దివ్య ప్రభువును ఘనపరుస్తాము.  ఈ రోజు మీరు ఇతరులపట్ల ఎలా మెలుగుతున్నారో ధ్యానించండి.  పవిత్ర హోస్తియాలో ఉన్న మన ప్రభువుపట్ల మీరు చూపే ప్రేమగౌరవాలనే వారిపట్ల కూడా చూపుతున్నారా లేదా అని ధ్యానించండి.  మీరు కలుసుకునే ప్రతి ఒక్కరిలోనూ తన దివ్య సాన్నిధ్యాన్ని చూడటానికి మీకు సహాయం చేయమని యేసును అడగండి.

ప్రభువా, ప్రజలందరిలోనూ నిన్ను ఎల్లప్పుడూ ప్రేమించేలా నన్ను దీవించు.  ప్రతి ఆత్మలోనూ నిన్ను చూసి, వారిలోని నీ దివ్య సాన్నిధ్యాన్ని గౌరవించేలా నన్ను దీవించు.  ఓ ప్రభువా, ప్రతి ప్రాణి హృదయంలో నీవు సజీవంగా ఉన్నావు.  నేను నిన్ను ప్రేమిస్తున్నాను; నేను కలుసుకునే ప్రతి ఒక్కరిలోనూ నీ దివ్య సాన్నిధ్యాన్ని దర్శిస్తూ నిన్ను మరింతగా ప్రేమించాలని కోరుకుంటున్నాను.  యేసూ, నేను నీపై నమ్మకం ఉంచుతున్నాను.

ఇరవై మూడవ రోజు ధ్యానాలు:
ఎడారిలో 40 రోజులు & సిలువ చెంత 40 రోజులు

పునీత యోసేపునకు నవదిన ప్రార్థన. మార్చి 10-18 వరకు ప్రార్థిస్తారు.

తపస్సుకాలానికి ఉపయోగకరమైన వనరులు

తపస్సుకాలానికి పవిత్ర గ్రంథ ధ్యానాలు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు