మంగళవార్త, చిత్రకారుడు లూకా జోర్దానో
ఆంగ్లంలో వినండి
ఒక రాకెట్ నౌకను మొదటి నుంచి నిర్మించమని మిమ్మల్ని అడిగితే, ఈ రంగంలో మీకు నైపుణ్యం లేదని, అందువల్ల మిమ్మల్ని చేయమని అడిగిన పనిని చేయలేరని మీరు అభ్యంతరం చెప్పవచ్చు. దేవుని చిత్తం విషయంలో మనం తరచూ ఆయనకు ఇలాగే ప్రతిస్పందిస్తాము. మన ప్రభువు మనలను మరీ ఎక్కువ అడుగుతున్నారని మనకు సులభంగానే అనిపించవచ్చు. అయితే ఇది అవివేకమైన ఆలోచన. ఎందుకంటే, ఒక పనిని నెరవేర్చడానికి అవసరమైన కృపను కూడా అనుగ్రహించకుండా, ఆ పని చేయమని మన ప్రభువు మనలను ఎన్నడూ అడగరు (చూడండి డైరీ #435).
ఏ పని చేయడానికి మీకు తగిన అర్హత లేదని మీరు భావిస్తున్నారు? బహుశా అది మీ కుటుంబానికి సంబంధించిన విషయం కావచ్చు, లేదా దేవాలయంలో మీరు సహాయం చేయాలని కోరబడిన ఏదైనా కార్యక్రమం కావచ్చు. లేదా మన ప్రభువు మీ హృదయంలో ఉంచిన ఏదైనా విషయాన్ని, మీ సామర్థ్యం చాలదనే భావనతో మీరు ఆలోచించకుండా దాటవేస్తుండవచ్చు. కానీ మనం యేసుపై నమ్మకం ఉంచితే, మన జీవితాల్లో ఆయన పరిపూర్ణ చిత్తాన్ని నెరవేర్చగలమని కూడా నమ్మాలి. ఆయన కృప ద్వారా మనం సాధించగలిగిన దానిని మించిన పనికి ఆయన మనలను ఎన్నడూ పిలవరని మనం నమ్మాలి.
ప్రభూ, ఈ రోజు మళ్లీ నీకు “అవును” అని చెబుతున్నాను. నీ పవిత్ర చిత్తాన్ని నెరవేర్చాలనే నా నిబద్ధతను మరోసారి పునరుద్ధరిస్తున్నాను. నీవు నాకు అప్పగించిన పవిత్ర కార్యాన్ని నెరవేర్చకుండా ఆందోళన గాని, ఆత్మవిశ్వాసం లేకపోవడం గాని నన్ను ఎన్నడూ అడ్డుకోనివ్వకుందును గాక. యేసూ, నేను నీపై నమ్మకం ఉంచుతున్నాను.
ఐదవ రోజు: దైవకారుణ్య ఆదివారానికి సిద్ధపడే నవదిన ప్రార్థన
ఏప్రిల్ 7 – పునీత జాన్ బాప్టిస్ట్ ద లా సాల్, యాజకుడు
(పాస్కా అష్టదినోత్సవాల్లో వస్తున్నందున ఈ సంవత్సరం ఆరాధనా స్మరణదినంగా జరుపుకోరు)
పాస్కా కాలానికి పవిత్ర గ్రంథ ధ్యానాలు
దైవకారుణ్యంపై మరిన్ని ధ్యానాలు
ఈ-పుస్తకంగా, కాగితపు అట్టతో ముద్రిత పుస్తకంగా లభిస్తుంది:
అమెజాన్ – బార్న్స్ అండ్ నోబుల్ – గూగుల్ ప్లే – ఐట్యూన్స్
దైవకారుణ్యంపై దైనందిన ధ్యానాలు:
పునీత ఫౌస్తీనాతో 365 రోజులు





