తెలుగు

ధ్యానం 272: హృదయపు బాహ్య వ్యక్తీకరణ

ధన్య ఆలొన్సో రోడ్రిగెజ్‌కు కలిగిన దర్శనం, చిత్రకారుడు ఫ్రాన్సిస్కో డె సుర్బరాన్

వీడియో

ఆంగ్లంలో వినండి

మీరు, దేవుడు తప్ప మరెవరూ మీ హృదయాన్ని చూడలేరు.  మీ అంతరంగ జీవితంలోని ప్రతి విషయమూ దేవునికి పరిపూర్ణంగా తెలుసు; మీకు మాత్రం మీ అంతరంగ జీవితంలోని విషయాలు అసంపూర్ణంగానే తెలుస్తాయి.  అయినప్పటికీ, మీ అంతరంగ జీవితపు వాస్తవికతను మరింతగా తెలుసుకుంటూ ఉండటం ముఖ్యం.  మీ ఆత్మను దేవుని కారుణ్యం నివసించే గుప్తమైన, రహస్యమైన లోకంగా చూడండి.  మీ హృదయపు అంతరంగ మందిరాలు దేవుని ప్రేమతో పూర్తిగా నిండిపోనివ్వండి.  దేవుని ఈ పవిత్రమైన, నిర్మలమైన ప్రేమ మీలోని అన్నిటినీ నడిపించాలి.  మీలో జరిగేది ఇతరులకు కనిపించకపోయినా, మీ జీవితం నుంచి వెలువడే మంచి ఫలాలను వారు చూస్తారు. ఈ మంచి ఫలాలు మీలో సజీవంగా ఉన్న దేవుని కారుణ్యానికి బాహ్య సాక్ష్యంగా నిలుస్తాయి.  అంతరంగ జీవితం గుప్తంగా ఉన్నప్పటికీ, దేవుని రహస్య కార్యాలు కనిపించేలా, ప్రకాశవంతంగా కారుణ్యాన్ని ఫలింపజేసేందుకు అది వెల్లడి కావాలి (చూడండి దినచర్య #1363).

మీ ఆత్మలో దేవుడు చేస్తున్న శక్తివంతమైన కార్యం మీకు తెలుసా?  మీ అంతరంగ జీవితంలోని ఈ రహస్య పవిత్రస్థలంలో మిమ్మల్ని నడిపిస్తూ, మీకు దారి చూపుతున్న ఆయన కరుణామయ హస్తాన్ని మీరు గమనిస్తున్నారా?  దేవుని నిర్మలమైన ప్రేమపై మీ అంతరంగ దృష్టిని నిలిపి, ఈ గుప్తస్థలం సమృద్ధిగా మంచి ఫలాలను పండించనివ్వండి.  మీ జీవితం మంచి ఫలాలను పండిస్తున్నప్పుడు, లోకం వాటిని చూసి, మీ ద్వారా వెలువడే దేవుని కారుణ్యం వల్ల ప్రేరణ పొంది, మార్పు చెందేలా ఆ ఫలాలు వెల్లడి కానివ్వండి.  మీ అంతరంగానికి, బాహ్య జీవితానికి మధ్య ఉన్న ఈ ప్రత్యక్ష సంబంధాన్ని నేడు ధ్యానించి, మీ హృదయాన్ని ప్రకాశించనివ్వండి.

ప్రభువా, జ్వలించే ప్రేమతో నిన్ను ప్రేమిస్తున్నాను.  నీ కృప నా ఆత్మలో సజీవంగా పనిచేసేలా దయచేసి నా హృదయాన్ని నిరంతరం శుద్ధిచేయుము. నా జీవితంలో నీ కృపా అద్భుతాలను జరిగిస్తూ, నా బాహ్య క్రియలలో కారుణ్యపు మంచి ఫలాన్ని పండించుము. తద్వారా నా హృదయంలో సజీవంగా ఉన్న నిర్మలమైన ప్రేమకు నీ కార్యాలు బహిరంగ సాక్ష్యంగా నిలవనిమ్ము.  యేసూ, నేను నీపై నమ్మకం ఉంచుతున్నాను.

లిసియూకు చెందిన పునీత తెరేసా – చిన్న పుష్పానికి నవదిన ప్రార్థన
ఎనిమిదవ రోజు- సెప్టెంబరు 29

నేటి పండుగ– ప్రధానదూతలైన పునీత మిఖాయేలు, గబ్రియేలు, రఫాయేలు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు