తెలుగు

ధ్యానం 351: దేవుణ్ణి తెలుసుకోవడమా లేక అనుభవించడమా

ఫ్రెడరిక్ ఎడ్విన్ చర్చ్, పబ్లిక్ డొమైన్, వికీమీడియా కామన్స్ ద్వారా

వీడియో

ఆంగ్లంలో వినండి

దేవుణ్ణి తెలుసుకోవడం మీ నిరంతర లక్ష్యంగా ఉండాలి. పవిత్ర గ్రంథ అధ్యయనం, సభ బోధనలు, పునీతుల జీవితాలు—ఇవన్నీ ఈ ప్రయత్నంలో తోడ్పడతాయి. అయితే దేవుణ్ణి తెలుసుకోవడమే జీవితపు పరమ లక్ష్యం కాదు. జ్ఞానం విశ్వాసం నుండి వస్తుంది; విశ్వాసం దేవుని వరం. కానీ ప్రేమలో దేవునితో సంపూర్ణంగా ఐక్యమై ఉండటం మరెంతో ముఖ్యమైనది. ఈ రెండూ పరస్పర విరుద్ధమైనవి కావు, కానీ ఒకటే కావు. నిజానికి, కొన్నిసార్లు ప్రభువు ఒక వ్యక్తి బుద్ధిని చీకటిలో ఉంచి, తనను అర్థం చేసుకోవడానికి కూడా అనుమతించడు. దానికి బదులుగా ఆ వ్యక్తి సంకల్పాన్ని రూపాంతరం చేయడం ద్వారా, ఆ పవిత్ర ఆత్మ విశ్వాసపు చీకటిలో కూడా తననే ఎంచుకొని, ప్రేమమయమైన జీవితం గడిపేలా చేస్తాడు. ఇది ఒక గాఢమైన మర్మం (చూడండి డైరీ #1697).

దేవుణ్ణి గానీ, ఆయన మార్గాలను గానీ అర్థం చేసుకోలేకపోతున్నట్లు మీకు అనిపించే సమయాలు ఉన్నాయా? మీ దృష్టి మసకబారినట్లు, బుద్ధి మందగించినట్లు అనుభవిస్తున్నారా? అలా అయితే, అది మీరు గ్రహించగలిగిన దానికంటే ఎంతో ఎక్కువ విలువైన కృప కావచ్చు. అలుముకున్నట్లు కనిపించే ఈ పొగమంచు మధ్య కూడా ప్రేమించమని, తన చిత్తాన్ని ఎంచుకోమని దేవుడు ముఖ్యంగా ఇలాంటి క్షణాల్లోనే మిమ్మల్ని ఆహ్వానిస్తాడు. మీకు పూర్తిగా అర్థం కానప్పుడు కూడా ఆయన చిత్తాన్ని ఎంచుకొని, ప్రేమతో జీవించండి. అప్పుడు ప్రభువు మీ ద్వారా సమృద్ధిగా కారుణ్యాన్ని ప్రవహింపజేస్తాడు.

ప్రభువా, జీవితంలో స్పష్టత లభించే సమయాలకై నీకు కృతజ్ఞతలు తెలుపుతున్నాను. అయితే నా మనసు చీకటితో, అయోమయంతో నిండినట్లు అనిపించినప్పుడు కూడా నీ పవిత్ర చిత్తానికి లోబడుతున్నాను. ఆ క్షణాల్లో నిన్ను, ఇతరులను ప్రేమించడానికి నాకు సహాయం చేయి. తద్వారా నా జీవితం నీ నిర్మల కారుణ్యానికి సజీవ సాధనంగా ఉండును గాక. యేసూ, నేను నీపై నమ్మకం ఉంచుతున్నాను.

ఆగమనకాలపు ‘ఓ’ అంతిఫోనాలు
డిసెంబర్ 17–23

పునీత అంద్రేయ క్రిస్మస్ నవదిన ప్రార్థన
సంప్రదాయంగా నవంబర్ 30 నుండి క్రిస్మస్ ముందురోజు వరకు రోజుకు 15 సార్లు ప్రార్థిస్తారు.

ఆగమనకాల వనరులు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు