చీమా దా కొనెల్యానో చిత్రించిన “తండ్రియైన దేవుడు”
ఆంగ్లంలో వినండి
దేవుని తత్త్వస్వరూపాన్ని మనం తెలుసుకోలేము. ఆయన మనకు అతీతుడు, మన అవగాహనకు అందనివాడు. అయితే మన జీవితాల్లోను, ప్రపంచంలోను ఆయన చేసే కార్యాలను చూడటం ద్వారా మనం దేవుణ్ణి తెలుసుకోవచ్చు. ఆయన గుణాలను చూడండి. ఆయన కార్యాలను చూడండి. మీ జీవితంలోను, ఇతరుల జీవితాల్లోను ఆయన చేసినవాటిని చూడండి. ఆయన సర్వశక్తిమంతుడు, సర్వజ్ఞుడు, అందరినీ ప్రేమించేవాడు; మేలైనవన్నీ అపారంగా ప్రసాదించేవాడు (చూడండి డైరీ #30).
దేవుని స్వభావం, తత్త్వస్వరూపం మన అవగాహనకు ఎంతగా అందనివో ఈ రోజు ధ్యానించండి. దేవుని పరిపూర్ణతను మనం ఎన్నటికీ పూర్తిగా గ్రహించలేమని తెలుసుకోవడమే, ఆయనను మరింత సన్నిహితంగా తెలుసుకోవడానికి మొదటి అడుగు. ఈ రోజు మన దేవుని మహా రహస్యం ఎదుట మిమ్మల్ని మీరు తగ్గించుకొని, స్పర్శకు అందని ఆయన స్వభావం మీ హృదయాన్ని స్పృశించనివ్వండి.
ప్రభువా, నీవు, నీ మార్గాలు నా అవగాహనకు అతీతమైనవి. అయినా నీ దివ్య సాన్నిధ్య రహస్యంలో నేను నిన్ను తెలుసుకుంటున్నాను. ప్రభువా, నీ దివ్య తత్త్వస్వరూపాన్ని ధ్యానిస్తున్నప్పుడు, నీ పట్ల మరింత గాఢమైన ప్రేమలోనికి ఆకర్షితమయ్యేలా నాకు సహాయం చేయుము. యేసూ, నేను నీపై నమ్మకం ఉంచుతున్నాను.
జనవరి 31: పునీత జాన్ బోస్కో, యాజకుడు—స్మరణ
దైవకారుణ్యంపై మరిన్ని ధ్యానాలు




