తెలుగు

ధ్యానం 245: వాయిదా పడిన కాఠిన్యం

టోబీ హడ్సన్, CC BY-SA 3.0, వికీమీడియా కామన్స్ ద్వారా

వీడియో

ఆంగ్లంలో వినండి

ఇక్కడే, ఇప్పుడే తన న్యాయాన్ని అమలు చేసే పూర్తి హక్కు యేసుకు ఉందని తెలుసుకోవడం ముఖ్యం.  మన పాపాల కారణంగా మనపట్ల కఠినంగా వ్యవహరించడానికీ, మనపై నిత్య తీర్పు విధించడానికీ ఆయనకు పూర్తి హక్కు ఉంది.  ఆయన కారుణ్యం కారణంగా మనం తరచూ ఈ సత్యాన్ని మరచిపోతుంటాము.  కానీ మనం ఈ వాస్తవాన్ని ఎన్నడూ మరచిపోకూడదు.  దీనిని గుర్తుంచుకోవడం ముఖ్యం. ఎందుకంటే లోకంపై శీఘ్రంగా, తిరుగులేని తీర్పును అమలు చేసే సంపూర్ణ హక్కు దేవునికి ఉందని మనం అర్థం చేసుకోకపోతే, ఆయన అలా చేయకుండా నిగ్రహించుకోవడం అపరిమితమైన కారుణ్య కార్యమని ఎన్నటికీ అర్థం చేసుకోలేము.  ఆయన కారుణ్యం కోసం ప్రార్థించే బాధ్యత, తన కుమారుని ఉగ్రతను నిలిపి ఉంచమని మన తరఫున వేడుకునే బాధ్యత ప్రత్యేకంగా దేవమాతకు అప్పగించబడింది.  మనకోసం మధ్యస్థ ప్రార్థన చేసే ఈ బాధ్యతను దేవుడు ఆమెకు ఇచ్చాడు; ఆయన ఆ ప్రార్థనలను ఆలకిస్తాడు.  లోకంలో కారుణ్యం కోసం ప్రార్థించమని ఆయన మనలో ప్రతి ఒక్కరినీ కూడా పిలుస్తున్నాడు. మన ప్రార్థనలు దేవమాత ప్రార్థనలంత శక్తివంతమైనవి కాకపోయినా, వాటిని ఆమె నిర్మల హృదయంలో ఉంచితే అవి అంత శక్తివంతమైనవి కాగలవు.  మన ప్రార్థనలను మన ధన్యమాతకు సమర్పించడం వాటి శక్తిని పెంపొందించి, వాటిని అగాధమైన కృపకు సాధనంగా మారుస్తుంది; తద్వారా దేవుని న్యాయహస్తాన్ని నిలువరిస్తుంది (చూడండి దినచర్య #1261).

మీపై అకస్మాత్తుగా, కఠినమైన తీర్పు విధించే హక్కు దేవునికి ఉందని మీరు అర్థం చేసుకున్నారా?  దాని గురించి ఆలోచించడం ఆహ్లాదకరంగా ఉండకపోవచ్చు, కానీ దానిని అర్థం చేసుకోవడం ముఖ్యం.  ఈ రోజు ఈ వాస్తవాన్ని ధ్యానించండి.  దానిని విశ్వసించండి; తన కారుణ్యం కారణంగానే ఆయన తన తీర్పును నిలిపి ఉంచుతున్నాడని తెలుసుకోండి.  ఈ రోజు మన ధన్యమాత ప్రార్థనలను కోరండి; మీ స్వంత ప్రార్థనలను ఆమెకు సమర్పించండి.  ఆమె మధ్యస్థ ప్రార్థన ద్వారా మీరు సమర్పించే ప్రార్థనలవల్ల దేవుని న్యాయతీర్పు నిలిపి ఉంచబడుతుంది; మన కాలంలో ఆయన కారుణ్యం అనుగ్రహించబడుతుంది.

అత్యంత ప్రియమైన తల్లీ, ఈ రోజు నా ప్రార్థనలు, పనులు, త్యాగాలు అన్నిటినీ నీకు సమర్పిస్తున్నాను; నీవు వాటిని నీ కుమారునికి సమర్పించు.  నీ కుమారుని కారుణ్యం కుమ్మరించబడుతుండగా, ఆయన న్యాయతీర్పు నిలిపి ఉంచబడేలా నాకోసం, నీ బిడ్డలందరి కోసం దయచేసి ప్రార్థించు.  యేసూ, నేను నీపై నమ్మకం ఉంచుతున్నాను.

సామాన్య కాలానికి పవిత్ర గ్రంథ ధ్యానాలు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు