మోల్తేని జుసెప్పే చిత్రించిన పాపసంకీర్తనం
ఆంగ్లంలో వినండి
దేవుడు తన యాజకుల ద్వారా తన ప్రతినిధులను మన వద్దకు పంపుతారు. యాజకులు పరిపూర్ణులు కాకపోయినా, వారు దేవుని ప్రతినిధులే. సయోధ్య సంస్కారంలో ఇది ప్రత్యేకంగా నిజం. మనం ఆ సంస్కారాన్ని నమ్మకంతో, నిజాయితీతో సమీపించడం అత్యావశ్యకం. పాపసంకీర్తనం వినే యాజకుడు మన ఆత్మలలోని పాపాన్ని చూడటానికి మనం అనుమతించాలి. అప్పుడు ఆయన లోనికి ప్రవేశించి, పాపవిమోచనపు పవిత్ర శక్తితో మనలను శుద్ధి చేసి, స్వస్థపరచగలరు (చూడండి దినచర్య #494-496).
మీరు పాపసంకీర్తనానికి వెళ్తున్నారా? అలా అయితే, ఎంత తరచుగా వెళ్తున్నారు? మీ ఆత్మను శుద్ధి చేసుకునే దానికంటే మీ ఇంటిని ఎక్కువసార్లు శుభ్రం చేసుకుంటున్నారా? సయోధ్య సంస్కారంలో ప్రభువు మీకు అమూల్యమైన వరాన్ని ఇచ్చారు. ఈ వరాన్ని విశాల హృదయంతో స్వీకరించమని ఆయన మిమ్మల్ని ఆహ్వానిస్తున్నారు. ఈ ఆహ్వానానికి భయపడకండి; బదులుగా, మన ప్రభువు ప్రసాదించాలనుకుంటున్న అనేక కృపల కోసం ఆతురతతో ఎదురుచూస్తూ, దానిని అందుకోవడానికి పరుగెత్తండి. మీకు సాధ్యమైనంత క్రమం తప్పకుండా అలా చేయండి.
ప్రభువా, సయోధ్య సంస్కారం ద్వారా ప్రసాదించబడే నీ కారుణ్యానికి నేను ఎందుకు భయపడుతున్నాను? పాపవిమోచన క్రియ ద్వారా ప్రవహించే నీ పవిత్ర కారుణ్యానికి నేను ఎందుకు భయపడుతున్నాను? నా పాపాలను స్పష్టంగా, పూర్తిగా ఒప్పుకొని, తద్వారా శుద్ధి పొంది, నీ హృదయానికి తిరిగి చేరేలా నాకు ధైర్యాన్ని, వినయాన్ని ప్రసాదించు. యేసూ, నేను నీపై నమ్మకం ఉంచుతున్నాను.
పాస్కా కాలానికి పవిత్ర గ్రంథ ధ్యానాలు
దైవకారుణ్యంపై మరిన్ని ధ్యానాలు
ఈ-పుస్తకంగా, కాగితపు అట్టతో ముద్రిత పుస్తకంగా లభిస్తుంది:
అమెజాన్ – బార్న్స్ అండ్ నోబుల్ – గూగుల్ ప్లే – ఐట్యూన్స్
దైవకారుణ్యంపై దైనందిన ధ్యానాలు:
పునీత ఫౌస్తీనాతో 365 రోజులు





