తెలుగు

ధ్యానం 117: మీ హృదయపు ఏకాంత ఆవరణం

ఎడారిలో ప్రార్థిస్తున్న పునీత బ్రూనో. నికొలా మిన్యార్ చిత్రకృతి

వీడియో

ఆంగ్లంలో వినండి

కొందరు మఠకన్యలు, సన్యాసులు ఒక ప్రత్యేక ఆవరణపు హద్దులలో ఏకాంత మఠజీవితం గడుపుతారు.  ఆ విశ్వాస సమాజంలో సభ్యులైతే తప్ప, తగిన కారణం లేకుండా ఎవరూ ఆ ఆవరణలోకి ప్రవేశించకూడదు. ఇతరులు మఠాధికారి అనుమతితో మాత్రమే ప్రవేశించవచ్చు.  ఒక మఠకన్య తీవ్ర అనారోగ్యంతో ఉండి, రోగుల అభ్యంగన సంస్కారం అవసరమై ఉండవచ్చు; లేదా అవసరమైన మరమ్మతు చేయడానికి ఒక పనివాడు లోనికి రావలసి ఉండవచ్చు.  ఈ ఆవరణపు చిత్రం మన ఆత్మకు సాదృశ్యంగా ఉంది.  మనం తాళంచెవిని యేసుకు ఇచ్చి, మన ఆత్మను కాపాడటానికి ఆయనను అనుమతించాలి.  అక్కడ ఉండదగిన వారిని మాత్రమే ఆయన లోనికి అనుమతిస్తారు (చూడండి డైరీ #554).

మీ ఆత్మలోకి మీరు దేనిని అనుమతిస్తున్నారు?  మిమ్మల్ని కాపాడటానికి, మీ అంతరంగ ఆలోచనలను, మీ హృదయాన్ని నడిపించటానికి ప్రభువును అనుమతిస్తున్నారా?  మనం చాలా తరచుగా ఎన్నో లౌకిక విషయాలను లోనికి అనుమతిస్తాం.  పాపపు ఆకర్షణలకు, అపవిత్రతకు తలుపును బార్లా తెరుస్తాం.  మీ ఆత్మ తాళంచెవిని మన ప్రభువుకు ఇవ్వండి.  ఆయన మిమ్మల్ని కాపాడి, సురక్షితంగా ఉంచుతారు.  మీరు ఎవరితో కలిసి నివసించాలని ఆయన కోరుకుంటారో వారందరినీ ఆయన స్వాగతిస్తారు; స్వస్థపరచడానికి, పునరుద్ధరించడానికి వచ్చేవారికి తలుపు తెరుస్తారు.  అయితే, మీరు ఆయనను అనుమతిస్తే, మీ ఆత్మలోని ఈ పవిత్ర స్థలంలో ఉండకూడని వాటి నుండి ఆయన దానిని జాగ్రత్తగా కాపాడుతారు.

ప్రభువా, నా ఆత్మకు ఉన్న ఒకే ఒక్క తాళంచెవిని నీకు ఇస్తున్నాను.  ఈ రోజు నిన్ను నా సంరక్షకునిగా ఎంచుకుంటున్నాను.  నా జీవితంలోకి నీవు ఆహ్వానించి, నా ఎదుట ఉంచినవారితో స్వేచ్ఛగా ఆత్మీయ సహవాసం చేయడానికి నన్ను అనుమతించు.  వారిని ప్రేమించడానికి, నా పూర్ణహృదయంతో వారికి సేవ చేయడానికి నాకు సహాయం చేయి.  ఈ తాళంచెవిని నీకు ఇస్తూ, నీవు నన్ను కాపాడతావని నీకు కృతజ్ఞతలు తెలుపుతున్నాను.  నేను నీపై నమ్మకం ఉంచి, నీకు అసంతృప్తి కలిగించేదానిని, నీవు స్వాగతించని దానిని స్వాగతించాలని ఎన్నడూ కోరకుండునట్లు అనుగ్రహించు.  యేసూ, నేను నీపై నమ్మకం ఉంచుతున్నాను.

పాస్కా పండుగ ప్రార్థనలు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు