తెలుగు

ధ్యానం 25: అంతరంగ వేదన – కారుణ్యానికి ఒక మార్గం

“ఎడారిలో ప్రార్థిస్తున్న పునీత బ్రూనో” — చిత్రకారుడు: నికొలా మిన్యార్

వీడియో

ఆంగ్లంలో వినండి

దేవునితో మీ అనుబంధం మరింత గాఢమవుతున్న కొద్దీ, మీకు ఎన్నో సంఘర్షణ క్షణాలతోపాటు ఎన్నో ఓదార్పు క్షణాలు కూడా ఎదురవుతాయి.  ఆధ్యాత్మిక శుష్కత, అంతరంగ వేదన కలిగే క్షణాలకు భయపడకండి.  అవి అవసరమైనవే; మిమ్మల్ని పవిత్రులుగా చేయడానికి దేవుడు అనుసరించే విధానంలో భాగమే.  ఆ క్షణాల్లో, మీ కన్నులను యేసు వైపు ఎత్తండి.  ఆయనను ఆయన మహిమలో దర్శించి, ఆయన కారుణ్యం కోసం వేడుకోండి (చూడండి డైరీ #22-23).

ఈ రోజు మీ ఆత్మను నిజాయితీగా పరిశీలించండి.  మీ అంతరంగంలో మీరు అనుభవించే వాటన్నిటినీ ధ్యానించండి.  ముఖ్యంగా, మీకు మాత్రమే తెలిసిన వాటన్నిటినీ ధ్యానించండి.  మీ అంతరంగంలో బాధ, వేదన కనిపిస్తున్నాయా?  అవి మీ సొంత పాపం వల్ల కలిగినవైతే, దాన్ని మీరు గుర్తించినందుకు ఆనందించండి.  అవి దేవుడు మిమ్మల్ని శుద్ధి చేయడం వల్ల కలిగినవైతే, ఈ ఆధ్యాత్మిక శుష్కతను మీరు అనుభవించడానికి అనుమతించేంతగా ఆయన మిమ్మల్ని ప్రేమిస్తున్నందుకు ఆనందించండి.  పరలోకం వైపు చూసి, మీ అంతరంగంలో మీరు అనుభవించే వాటన్నిటికీ కృతజ్ఞతలు చెల్లించండి; ఎందుకంటే మీ ఆత్మలో ఉన్నది మిమ్మల్ని తనవైపుకు నడిపించే దేవుని సాన్నిధ్యమే.  

ప్రభువా, కొన్నిసార్లు నా అంతరంగం శుష్కంగా, నిర్జీవంగా ఉన్నట్లు అనిపిస్తుంది.  కొన్నిసార్లు నీవు ఎక్కడ ఉన్నావో, నాతో ఉన్నావో లేదో అని ఆలోచిస్తాను.  ఆ క్షణాల్లో నిరీక్షణతో, నమ్మకంతో ఉండటానికి, వాటిని నీపై మరింత గాఢమైన విశ్వాసానికి నడిపించే మార్గంగా చూడటానికి నాకు సహాయం చేయి.  ఈ క్షణాల్లో నీ వైపు తిరగడానికి నాకు సహాయం చేయి; తద్వారా నీ కారుణ్య ద్వారాలు అంతకంతకూ మరింత విశాలంగా తెరువబడును గాక.  యేసూ, నేను నీపై నమ్మకం ఉంచుతున్నాను.

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు