తెలుగు

ధ్యానం 170: మంచి రోజుల్లోనూ చెడు రోజుల్లోనూ నిష్ఠ

సుమందాస్1998రిక్, CC BY-SA 4.0, వికీమీడియా కామన్స్ ద్వారా

వీడియో

ఆంగ్లంలో వినండి

దేవుణ్ణి ప్రేమించాలనిపించినప్పుడు, జీవితం సాఫీగా, ఎంతో సులభంగా సాగుతున్నప్పుడు ఆయనను ప్రేమించడం సులభమే.  కానీ జీవితంలో సవాళ్లు ఎదురైనప్పుడు, మనలో మనమే ముడుచుకుపోవాలనే శోధనకు వెంటనే లోనవుతాము; అలా చేస్తూ దేవునిపట్ల మనకున్న ప్రేమకు దూరమవుతాము.  అయితే రోజంతటిలో మన భావాలు ఎలా ఉన్నా, మనకు ఎలాంటి అనుభవాలు ఎదురైనా దేవుణ్ణి ప్రేమించడమే పవిత్రతకు నిజమైన సూచన.  కష్టసుఖాలు ఏవి ఎదురైనా మన దేవునిపట్ల, ఇతరులపట్ల మనకున్న ప్రేమలో చలించకూడదు (చూడండి దినచర్య గ్రంథం #893).

మీ భావోద్వేగాలు మీ విశ్వాసాన్ని నడిపించడానికి మీరు అనుమతిస్తున్నారా?  జీవితంలోని కష్టమైన పరిస్థితులు మీ దేవునిపట్ల మీకున్న సంపూర్ణ నిష్ఠకు మిమ్మల్ని దూరం చేయడానికి అనుమతిస్తున్నారా?  ఇది నిజమైన శోధన; చాలామంది దీనికి లోనవుతారు.  కష్టమైన రోజులను, కష్టమైన క్షణాలను మీరు ఎలా ఎదుర్కొంటున్నారో ఈ రోజు ధ్యానించండి.  అత్యంత సవాలుతో కూడిన క్షణాల్లో మీ నిష్ఠను, ప్రేమను పునరుద్ధరించుకోవడానికి ప్రయత్నించండి. అప్పుడు “సుఖమైన జీవితం” ఎన్నటికీ చేయలేని విధంగా ఈ కార్యం మిమ్మల్ని మార్చివేస్తుందని మీరు కనుగొంటారు.

ప్రభువా, ఈ రోజును నీకు అర్పిస్తున్నాను; ఈ రోజు నా హృదయమంతటినీ నీకు అర్పిస్తున్నాను.  ఈ రోజైనా రేపైనా నా భావాలు ఎలా ఉన్నా, నాకు ఎలాంటి అనుభవాలు ఎదురైనా అన్ని విషయాల్లో నీకు నిష్ఠగా ఉంటానని నీకు మాట ఇస్తున్నాను.  రోజువారీ కష్టాలు గానీ భారాలు గానీ నన్ను కుంగదీసి, నా విశ్వాసాన్ని దెబ్బతీయడానికి అనుమతించనని వాగ్దానం చేస్తున్నాను.  నా యేసూ, నేను నిన్ను ప్రేమిస్తున్నాను; ఎల్లప్పుడూ నీకు నిష్ఠగా ఉండాలని ఎంచుకుంటున్నాను.  యేసూ, నేను నీపై నమ్మకం ఉంచుతున్నాను.

జూన్ 19 – పునీత రొమువాల్డ్, మఠాధిపతి—ఐచ్ఛిక స్మరణ

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు