తెలుగు

ధ్యానం 35: ప్రభువు పాడుశ్రమలను గ్రహించడం

జియోట్టో చిత్రించిన “సిలువపై క్రీస్తు”

వీడియో

ఆంగ్లంలో వినండి

మన ప్రభువు పాడుశ్రమలను మీరు అర్థం చేసుకుంటున్నారా? మీ ఆత్మలో ఆయన బాధలను గ్రహిస్తున్నారా? మొదట్లో ఇది కోరుకోదగినది కాదనిపించవచ్చు. కానీ మన ప్రభువు బాధలను, పాడుశ్రమలను గ్రహించడం గొప్ప అనుగ్రహం. ఆయన బాధను గ్రహించినప్పుడు, మనం దానిని ఎదుర్కొని, మన సొంత బాధగా స్వీకరించాలి. ఆయన బాధలను మనం జీవించాలి. అలా చేయడం ద్వారా, ఆయన బాధ దైవప్రేమ, కారుణ్యం తప్ప మరేమీ కాదని మనం తెలుసుకోవడం ప్రారంభిస్తాము. సమస్త బాధలను భరించిన ఆయన ఆత్మలోని ప్రేమ, మనం కూడా అన్నిటినీ ప్రేమతో భరించేలా చేస్తుందని తెలుసుకుంటాము. ప్రేమ అన్నిటినీ భరిస్తుంది, అన్నిటినీ జయిస్తుంది. ఈ పవిత్రమైన, పరిశుద్ధమైన ప్రేమ మిమ్మల్ని పూర్తిగా ఆవహించనివ్వండి. అప్పుడు జీవితంలో మీకు ఏది ఎదురైనా దానిని ప్రేమతో భరించగలుగుతారు (చూడండి డైరీ #46).

ఈ రోజు సిలువపై ఉన్న క్రీస్తును తిలకించండి. ప్రేమకు పరిపూర్ణ బలియాగమైన ఆయనను తిలకించండి. మీపై ప్రేమతో అన్నిటినీ ఇష్టపూర్వకంగా భరించిన మన దేవుణ్ణి తిలకించండి. బాధలోని ప్రేమ, త్యాగంలోని ప్రేమ అనే ఈ గొప్ప మర్మాన్ని ధ్యానించండి. దానిని అర్థం చేసుకోండి, స్వీకరించండి, ప్రేమించండి, జీవించండి.

ప్రభువా, నీ సిలువ త్యాగపూరిత ప్రేమకు పరిపూర్ణ ఆదర్శం. ఇప్పటివరకు తెలిసిన ప్రేమ రూపాలన్నిటిలో ఇదే అత్యంత నిర్మలమైనది, అత్యున్నతమైనది. ఈ ప్రేమను అర్థం చేసుకోవడానికి, నా హృదయంలోకి స్వీకరించడానికి నాకు సహాయం చేయుము. ప్రేమతో నీవు అర్పించిన పరిపూర్ణ బలియాగాన్ని నేను స్వీకరిస్తున్నప్పుడు, నా క్రియలన్నిటిలోనూ, నా ఉనికి అంతటిలోనూ ఆ ప్రేమను జీవించడానికి నాకు సహాయం చేయుము. యేసూ, నేను నీపై నమ్మకం ఉంచుతున్నాను.

సామాన్య కాలానికి పవిత్ర గ్రంథ ధ్యానాలు

దైవకారుణ్యంపై మరిన్ని ధ్యానాలు

దైనందిన సువార్త ధ్యానాలు

నేటి పునీతులు/పండుగలు