मराठी

चिंतन १८: याजकांद्वारे लाभणारी दया

“फ्रिडोलिन पवित्र मिस्साबलीत सहाय्य करतो” — पीटर फेंडी

चित्रफीत

देवाची दया अनेक मार्गांनी लाभते. ती आपल्यापर्यंत पोहोचण्याचे अनेक मार्ग आहेत; देवाच्या पवित्र याजकांद्वारे ती मिळवण्याचा प्रयत्न करा. त्याच्या याजकाला तुमचे म्हणणे ऐकू द्या, तुमच्याशी बोलू द्या आणि तुम्हाला मार्गदर्शन करू द्या. याजकही दुर्बल आहेत आणि तेही पापी आहेत. पण त्यांच्या दुर्बलतेतही आत्म्यांना मार्गदर्शन करण्यासाठी त्यांना विशेष कृपा दिली जाते. आपल्या जगात देवाची दया ज्या मार्गांनी अगदी स्पष्टपणे आपल्यापर्यंत पोहोचते, त्यांपैकी एक म्हणजे याजकपद. याजकांसाठी प्रार्थना करा आणि त्यांच्याद्वारे देवाला तुमच्याशी बोलू द्या (पाहा दैनंदिनी #12). 

देवाने तुमच्या जीवनात आणलेल्या याजकांची आठवण करा.  त्यांच्यासाठी प्रार्थना करा, त्यांना आधार द्या आणि प्रोत्साहन द्या. त्याचबरोबर, त्यांच्याद्वारे देव ज्या विविध मार्गांनी तुमच्यावर आपल्या दयेचा वर्षाव करतो, त्या दयेचा स्वीकार करण्यास तयार राहा. पाहणारे डोळे आणि ऐकणारे कान असले, तर देव त्यांच्याद्वारे कितीतरी मार्गांनी तुमच्याकडे येतो, हे तुम्हाला जाणवेल. 

हे प्रभू, आज मी सर्व याजकांसाठी प्रार्थना करतो. तुझे पुत्र पवित्र होवोत आणि त्यांच्या प्रत्येक कृतीतून त्यांचे पावित्र्य झळको. त्यांच्या पापांची क्षमा कर आणि त्यांना सद्गुणांनी भरून टाक. तुझे वचन सांगण्यास आणि तुझी दया विश्वासूपणे व आस्थेने लोकांपर्यंत पोहोचवण्यास त्यांना मदत कर. हे प्रभू, पवित्र याजकपदाच्या देणगीबद्दल मी तुझे आभार मानतो. हे येशू, माझा तुझ्यावर विश्वास आहे.

जीवनासाठी नऊ दिवसांची नोवेना

दैवी दयेवरील आणखी चिंतने

सुवार्तेवरील दैनंदिन चिंतन

सामान्य काळासाठी पवित्र शास्त्रावरील चिंतन

आजचे संत व सण