फ्रान्सेस्क रिबाल्ता यांचे संत बर्नार्ड यांना आलिंगन देणारा ख्रिस्त हे चित्र
मुख्य प्रतिमा: सिस्टर एम. युट्टा — पिक्साबेवरून
प्रेमाच्या काही कृती एकमेकांवर प्रेम करणाऱ्या दोघांपुरत्याच असतात. अत्यंत जिव्हाळ्याच्या आणि स्वतःला अर्पण करण्याच्या कृती म्हणजे त्या दोघांच्या नात्यात गुप्तपणे दिल्या-घेतल्या जाणाऱ्या प्रेमाच्या अनमोल भेटी. देवावरच्या आपल्या प्रेमालाही हे लागू होते. देवावरचे आपले अतिशय खोल प्रेम केवळ त्यालाच कळेल अशा रीतीने व्यक्त करण्याचे मार्ग आपण नियमितपणे शोधले पाहिजेत. त्याला प्रतिसाद म्हणून देव आपल्या अंतःकरणावर त्याच्या दयेतून येणाऱ्या कृपांचा विपुल वर्षाव करील, आणि ते केवळ आपल्यालाच कळेल. प्रेमाच्या या देवाणघेवाणीने आत्म्याचे खोलवर परिवर्तन होते आणि त्यातून सर्वोच्च आनंद मिळतो (पाहा दैनंदिनी #239).
आज आपल्या दयाळू देवाशी असलेल्या तुमच्या नात्यातील जवळिकीवर चिंतन करा. देवावर प्रेमाचा वर्षाव करण्यात तुम्हाला खूप आनंद वाटतो का? आपल्या हृदयाच्या एकांतात तुम्ही हे नियमितपणे करता का? देव तुम्हाला असंख्य मार्गांनी देत असलेल्या प्रेमाच्या या कृपादानांचा स्वीकार करण्यासाठी तुम्ही आपले हृदय खुले ठेवता का?
हे प्रभू, तुझ्यावरील प्रेमापोटी मी अंतःकरणात केलेली प्रत्येक कृती तुझ्या दिव्य हृदयासमोर मी ठेवलेल्या गुलाबफुलासारखी असो. माझे प्रेम तुला अर्पण करण्यात मला आनंद लाभो. तू ज्या गुप्त आणि गहन रीतीने माझ्यावर तुझ्या प्रेमाचा वर्षाव करतोस, त्यात मी सदैव आनंद मानावा. हे येशू, माझा तुझ्यावर विश्वास आहे.
प्रायश्चित्तकाळातील तिसऱ्या रविवारचे मनन:
वाळवंटातील 40 दिवस
प्रायश्चित्तकाळासाठी उपयुक्त साहित्य
प्रायश्चित्तकाळासाठी पवित्र शास्त्रावरील चिंतने
8 मार्च – आजचे संत – संत जॉन ऑफ गॉड, धर्मसंघीय
यंदा हा दिवस रविवारी येत असल्याने त्यांचे उपासनाविधीतील स्मरण साजरे केले जाणार नाही




