छायाचित्र: पेक्सेल्स, पिक्साबेवरून
व्हिडिओ
देवाची दया अनंत आहे, हे ऐकून कदाचित आश्चर्य वाटणार नाही. पण ‘अनंत’ ही संकल्पना समजून घेणे सोपे नाही. खरे तर, ती समजून घेणे अशक्य आहे, असेही काही जण म्हणतील. ज्याला अंत नाही, सीमा नाही, त्याचा पूर्ण उलगडा होणे आपल्या आकलनशक्तीच्या पलीकडचे आहे. देवाच्या दयेचेही तसेच आहे. ही दया अनंत आहे. म्हणून हे लक्षात घ्यायला हवे की अनंतकाळच्या जीवनात आपण कधीही न संपणारी ही दया शोधत राहू आणि ती आपल्याला मिळत राहील. सध्या या पृथ्वीवर देवाच्या अनंत दयेचा आपल्याला येणारा अनुभव फार मर्यादित आहे. जणू अथांग महासागर आपली वाट पाहत आहेत, पण आपल्याला बोटभर पाणीच सामावून घेता येते (पाहा: दैनंदिनी परिच्छेद 687 & 692).
अनंततेवर चिंतन करण्यासाठी तुम्ही कधी वेळ काढता का? अंत नसलेल्या विराट अवकाशाचा विचार करा. त्याला अंत असणार तरी कसा? अवकाशाला शेवट असता, तर त्या शेवटापलीकडे काय असते? देवाच्या दयेचेही तसेच आहे. तिला कधी अंत येईल तरी कसा? ती कधी संपून जाईल तरी कशी? देव स्वतः जितका अमर्याद आहे, तितकीच त्याची दयाही अथांग आहे. देवाच्या स्वरूपाचे चिंतन करा. त्याच्या अनंत स्वरूपाने विस्मित होत असताना, त्याच्या कधीही न संपणाऱ्या प्रेमाच्या देणगीकडे स्वतःला ओढले जाऊ द्या. कारण त्या प्रेमाची थोडीशी जरी जाणीव होऊ लागली, तरी त्याची ओढ लागेल. आणि ती ओढ लागेल, तेव्हाच अनंततेकडे तुमचा प्रवास सुरू झालेला असेल.
हे प्रभू, माझ्यावरचे तुझे प्रेम माझ्या कल्पनेपलीकडचे आहे. तुझ्या प्रेमाची खोली मला कधीच पूर्णपणे समजणार नाही, इतके तरी मला उमजू दे. तुझ्या दयेला अंत नाही हे मला जाणू दे, आणि तुझ्यासोबत अनंतकाळाकडे माझा प्रवास सुरू करण्यास मला मदत कर. हे येशू, माझा तुझ्यावर विश्वास आहे.
पवित्र आत्म्याची नोव्हेना
पेन्टेकॉस्टच्या तयारीसाठी केली जाणारी प्रार्थना
शुक्रवार, 15 मे – शनिवार, 23 मे
18 मे – संत योहान पहिले, पोप आणि रक्तसाक्षी
पास्का काळासाठी पवित्र शास्त्रावरील चिंतने




