“ख्रिस्त आणि श्रीमंत तरुण अधिकारी” — हाइनरिख होफमान
जगातील क्षणभंगुर गोष्टींनी आपले समाधान होते, असे मानण्याच्या सापळ्यात आपण जीवनात कितीतरी वेळा अडकतो. आपल्या पापांनीही आपले समाधान होते, असा भ्रम आपल्याला होऊ शकतो. आणि विचित्र गोष्ट अशी की, त्यांतून खरोखरच एक प्रकारचे तात्पुरते समाधान मिळते. पण हे ‘समाधान’ वरवरचे आणि फसवे आहे. देवाशिवाय दुसरे काहीही आपल्या आत्म्याला तृप्त करू शकत नाही, याची खोल जाणीव आपल्याला होईल तेव्हा आपण धन्य होऊ आणि केवळ त्याच्यातच खरे समाधान शोधण्याकडे आपले मन वळेल. त्याच्या दयेची खोलवर जाणीव झाल्यानेच हे घडते (पाहा: दैनंदिनी #42).
देवाच्या दयेने तुमचे मन तृप्त व्हावे, अशी तुम्हाला आस आहे का? तुम्ही दररोज त्याची दया मिळवण्याचा प्रयत्न करता का? तुमच्या अंतःकरणातील इच्छांवर चिंतन करा. तुम्हाला कशाची आस आहे? आज देवाच्या कृपेला तुम्हाला अहितकारक व अविवेकी आसक्ती आणि इच्छांपासून मुक्त करू द्या, जेणेकरून तुमच्या मनाला केवळ देवाचीच आस लागेल.
हे प्रभू, तुझ्या अपार दयेने माझ्याकडे ये आणि या क्षणभंगुर जगातील गोष्टींच्या इच्छांपासून मला मुक्त कर. सर्व गोष्टींपेक्षा तुझीच आस धरायला मला मदत कर आणि त्या आसेत मला तुझ्या दैवी प्रेमाने भारून टाक. हे येशू, माझा तुझ्यावर विश्वास आहे.
3 फेब्रुवारी: संत ब्लेझ, बिशप व रक्तसाक्षी — ऐच्छिक स्मरण
तसेच:
3 फेब्रुवारी: संत अन्सगार, बिशप — ऐच्छिक स्मरण



