ही कलाकृती गेऑर्ग फ्रिड्रिख श्टेटनर († 1639) यांची असल्याचे मानले जाते; स्रोत: विकिमीडिया कॉमन्स
व्हिडिओ
छोट्या त्यागांना महत्त्व आहे का? कधी कधी आपल्याला वाटते की आपण मोठी कामे करण्याचा प्रयत्न केला पाहिजे. काही जणांच्या मनात मोठमोठ्या कल्पना असतात आणि काहीतरी भव्य साध्य करण्याची स्वप्ने ते पाहतात. पण रोजच्या एकसुरी जीवनात आपण जे छोटे छोटे त्याग करतो, त्यांचे काय? साफसफाई करणे, स्वयंपाक करणे, दुसऱ्याला मदत करणे, क्षमा करणे, अशा त्यागांचे काय? या छोट्या गोष्टींना महत्त्व आहे का? नक्कीच आहे. आपण देवाला देतो तो हा एक अनमोल ठेवा आहे; त्याची सर दुसऱ्या कशालाही नाही. रोजचे छोटे त्याग म्हणजे मोकळ्या खोऱ्यातले एक कुरण, जिथे नजर जाईल तिथवर सुंदर रानफुले बहरलेली आहेत. एक फूलही सुंदर असते; पण जेव्हा आपण दररोज दिवसभर अशा छोट्या छोट्या कृती प्रेमाने करण्याचा निश्चय करतो, तेव्हा आपण देवाला अथांग सौंदर्याने आणि वैभवाने बहरलेले कुरण अर्पण करतो (पाहा: दैनंदिनी #208).
आज छोट्या छोट्या गोष्टींवर चिंतन करा. तुम्ही रोज असे कोणते काम करता, जे तुम्हाला थकवते आणि कंटाळवाणे किंवा क्षुल्लक वाटते? लक्षात ठेवा, कदाचित इतर कोणत्याही कामांपेक्षा हीच कामे तुम्हाला देवाचा मोठ्या गौरवाने सन्मान करण्याची आणि त्याचा महिमा गाण्याची सुंदर संधी देतात.
हे प्रभू, मी माझा दिवस तुला अर्पण करतो. मी जे काही करतो आणि माझे संपूर्ण अस्तित्व तुला अर्पण करतो. विशेषतः, मी रोज करीत असलेल्या छोट्या छोट्या गोष्टी तुला अर्पण करतो. माझी प्रत्येक कृती तुला दिलेली भेट ठरो आणि दिवसभर तिच्याद्वारे तुझा सन्मान आणि गौरव होवो. हे येशू, माझा तुझ्यावर विश्वास आहे.
बाराव्या दिवसाची चिंतने:
वाळवंटातील ४० दिवस & क्रुसाजवळील ४० दिवस
प्रायश्चित्तकाळासाठी उपयुक्त साहित्य
3 मार्च – संत कॅथरीन ड्रेक्सेल, कुमारी




